Arranca o programa de actividades culturais organizado polo Concello de Carnota arredor da celebración do Día das Letras Galegas.

Luns, 13 Maio 2013

Co gallo da celebración do Día das Letras Galegas o Concello de Carnota levará a cabo, ao longo desta semana, unha serie de actividades encamiñadas a promover o uso da lingua galega nas xeracións máis novas e a divulgar a figura do autor homenaxeado este ano, o dramaturgo, director e actor, Roberto Vidal Bolaño.

O programa incíciase hoxe, 13 de maio, cunha Ludoteca Lingüística da man de Xandobela, dirixida ao alumnado de educación primaria dos centros educativos do municipio, e cun obradoiro de rap conducido pola rapeira viguesa Aid e artellado arredor do seu último traballo, o librodisco Rapoemas, no que versiona os clásicos da literatura galega a ritmo de rap. Nesta última actividade participará o alumnado de 3º e 4º de ESO do IES Lamas de Castelo.

Así mesmo, o mércores, 15 de maio, os máis pequenos gozarán de dúas das sesións de contacontos que engloban o programa Contos nas Orellas, de Migallas Teatro, coa actriz Bea Campos. Por unha banda, o alumado de educación infantil do CEIP de Carnota e do CEIP do Pindo asistirá á función Que risa tía Luísa: contos para escachar coa risa, que terá lugar ás 10:30 h no salón de actos do Concello; e por outra, as nenas e os nenos da escola infantil a Galiña Azul, acompañados dos seus familiares, gozarán do espectáculo Entre arrolos e contiños: contos para os máis pequeniños, que se desenvolverá a partir das 12:00 h, nas instalacións da gardaría.

Para rematar, o xoves, 16 de maio, ás 11:30 h terá lugar na Axencia de Lectura Municipal o obradoiro Lembranza de Roberto Vidal Bolaño, actividade de aproximación ao autor homenaxeado este ano no Día das Letras Galegas, dirixida aos usuarios e usuarias do Centro de Día.

Ver a programación das Letras Galegas 2013

Concerto Didáctico da ESMU na gardería

Xoves, 09 Maio 2013

Onte mércores 8 de maio a ESCOLA MUNICIPAL DE MÚSICA DE CARNOTA (ESMU) realizou o seu último concerto didáctico do presente curso.

No 1º trimestre a ESMU levou a súa música, cos pequenos da escola, ao CEIP de Carnota, EEI do Viso e EEI de Lira. No 2º trimestre tocoulle ao CEIP do Pindo, e           agora, tocoulle o turno á Gardería de Lamas de Castelo.

Os pequenos infantes disfrutaron de media hora de música feita polos seus veciños de 6 a 11 anos, que fixeron a delicia coa Orquestra Orff e o Coro Infantil, na interpretación de 7 temas.

As mestras da Gardería agradeceron a visita inmensamente e as caras dos cativos, xunto cos aplausos, foron o mellor pago que os alumnos da ESMU e as dúas mestras que os acompañaban puideron obter.

Axudas para facer prácticas en Europa

Xoves, 02 Maio 2013

A Consellería de Traballo e Benestar convoca bolsas para realizar prácticas formativas non remuneradas en empresas do ámbito europeo (o estado español excluido)

A cuantía será de 2.400€ por participante, por un período máximo de oito semanas.

 Os destinatarios son calquer moz@ empadroado en calquer concello de Galicia que teña entre 18 e 30 anos e esté en posesión de un título de formación profesional ou universitario, e que esta titulación se obtura nos últimos 5 anos inmediantamente anteriores a data da convocatoria. Coñecer a lingua do país o que se obta de forma suficiente para desenvolverse (inglés, italiano, frances ou alemán)

Prazo de presentación ata o 29 de maio. Para consultar a orde pinche AQUÍ

Aprázase a proba de bodyboard

Martes, 30 Abril 2013

As condicións meteorolóxicas de mañan mércores 1 de maio, non son idóneas para a celebración da 2º Proba Open-Xuvenil de Bodyboard, polo tanto será posposta.

Calqueira consulta poden pórse en contacto coa Federación Galega de surf no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo