CONTOS DE NADAL E REIS

Tuesday, 29 December 2009 14:06

Seguindo coa programación cultural de Nadal do Concello de Carnota onte, 28 de decembro, a Axencia de Lectura Municipal acolleu unha sesión de contacontos dirixida ao público infantil, da man de Alianza Uhía, técnica de Cultura.

Á actividade asistiron uns 15 nenos e nenas, que gozaron coa interpretación de dúas historias extraídas do libro Contos de Nadal e Reis, de Miguel Vázquez Freire, publicado pola editorial Xerais.

Logo de escoitaren as narracións elixidas para esta ocasión ( “A noite de Reis da princesa” e “O señor Scrooge tiña razón”) dedicamos un tempo para que os cativos pintasen debuxos relacionados cos contos que viñan de escoitar, que algúns deles decidiron deixar na biblioteca para decorala.